A nova atividade é mais umha confirmaçom o sucesso da iniciativa educativa popular, nascida em Compostela fai cinco anos, e presente agora em Vigo, Lugo e Trasancos, para além dos dous centros da capital. A Semente de Vigo é a que neste caso alarga o seu leque de atividades com um acampamento de verao, tal como já faziam algumhas das outras Sementes do país.

O campamento viguês começará no dia 27 de junho e decorrerá até 2 de setembro, sendo possível inscrever as crianças durante diferentes prazos de tempo ou mesmo para dias concretos. O horário abrange das 8:30 até às 15:30, de segunda a sexta-feira, e o programa vai incluir jogos na natureza ou obradoiros criativos, entre outras atividades que fazem parte da metodologia pedagógica da Semente, que definem como "transformadora ao serviço dos interesses populares" e que executam através de princípios de "pedagogia transformadora, criar um espaço de criatividade e inovaçom, laicidade, coeducaçom, igualdade de género, assemblearismo, educaçom inserida na natureza, liberdade responsável e autorregulaçom, interaçom e, enfim, amor, compreensom e empatia". Querem, ainda, promovoer a "integraçom no contexto do bairro e da cidade" No caso do centro viguês, esse bairro é Teis, que será a base física do campamento.

Da Semente oferecem descontos para irmás ou irmaos, colaboradoras da Semente e pessoas desempregadas. Para maiores informaçons e inscriçons, pode-se contatar a Semente Vigo.