Haverá atos comemorativos ao longo de todo o dia em diferentes pontos da capital galega.

A partir das 11:00, na Gentalha do Pichel haverá duas charlas: Militáncia e orientaçom comunista nas organizaçons sindicais de classe, com Raquel Vázquez e Antolín Alcántara; Percurso histórico de Isca! Importáncia da organizaçom revolucionária, com Ximena González e Breixo Lousada. Serám seguidas da projeçom de um vídeo comemorativo do aniversário e acompanhados de umha exposiçom histórica de desenhos.

Logo do jantar de aniversário e a foliada das 14:00, que também serám no Centro Social compostelano, os eventos do aniversário sairám à rua.

Polas 16:30 começará um roteiro histórico / político pola capital galega, organizado pola Comissom de História da Gentalha do Pichel,

Às 18:00 Bonaval será palco de um encontro com organizaçons internacionais, que exporám a realidade de cada povo.

Já às 22:00 começará a festa, com concertos de Poetarras, Trapallada e Nao na praça 8 de Março. Serám de graça.

Diário Liberdade entre as entidades amigas e colaboradoras

Entre as entidades amigas e colaboradoras do evento está o Diário Liberdade. Fruto dessa colaboraçom, durante o evento poder-se-ám conseguir na banca de Isca! os livros A Doninha e o Taxidermista, de Séchu Sende; O Imperialismo, fase superior do capitalismo, de Vladimir I.U. Lenine e o CD de músicas rock e metal de bandas galegas Camaradas do Metal, sendo que os fundos angariados atavés dessas vendas servirám para ajudar no financiamento das atividades tanto de Isca! como do Diário Liberdade.