Mais de 27 coletivos do tecido associativo galego fundamentárom umha convocátoria que foi organizada num processo plural e aberto de assembleias a volta do País.

“A mocidade independentista a construir a República” e “Rachar a precariedade, rematar com a emigraçom" fôrom as palavras de ordem contidas numha faixa acompanhada por centenas de jovens.

"Trabalho digno na nossa terra", “aqui está, aqui se vê, a mocidade galega em pé”, "independência" e “Fora as forças de ocupaçom” fôrom algumhas das palavras de ordem coreados com força numha jornada cada vez mais dinámica, que começa a se consolidar na agenda da juventude galega.

O discurso da mocidade convocante na praça do Pam recalcou o peso da organizaçom e luita da mocidade para o futuro do País, além da importancia do quadro republicano galego para “mudar o rumo que traçárom para nós os que vivem do trabalho das operárias”, conseguindo vidas dignas e plenas para a juventude trabalhadora galega, sem ter que emigrar ou malviver em condiçons laborais cada vez mais precárias.