No dia 13, Ourense A Galheira promoveu com outros coletivos a "Festa da Pátria", com um debate sobre o "Estado antidemocrático e a perseguiçom política", com Ceivar e Esculca; umha petiscada e um concerto com Roberto Sobrado Grupo. Já no dia 14 de julho, em Vigo decorreu a II Ruada da Pátria, convocada por centros sociais da cidade, incluindo a realizaçom de um mural e um concerto com Gabi Vacaloura, Leo i Arremecaghona e Sondarua.
Na Corunha, Isca! organiza um ato político e concerto da "mocidade em luita pola República Galega", incluindo um debate sobre "precariedade, desemprego e emigraçom" como males da juventude trabalhadora galega, e música com Xebre e Ulträqäns.
Em Ferrol será no dia 21 às 12:30 que várias entidades sociais e políticas realizem a já habitual "Ruada Patriótica", convocada pola Fundaçom Artábria, BNG, Briga, Causa Galiza, CIG, Erguer, Galiza Nova, Isca! e Semente. Também haverá umha Festa da Mocidade pola Independência, na Fundaçom Artábria, no dia 18 a partir das 21 horas, com música tradicional, recital poético e grelhada popular.
Galiza Nova programou a sua própria série de atividades comarcais na semana prévia ao Dia da Pátria, em muitas localidades do País, antes das iniciativas nacionais do dia 24 (homenagem a Rosalia às 17 horas em Bonaval (Compostela), e o Festigal, que co-organiza com o BNG.
