Publicidade

Diário Liberdade
Quarta, 25 Julho 2018 04:05 Última modificação em Terça, 31 Julho 2018 23:35

Galiza sairá hoje às ruas em defesa dos seus direitos nacionais Destaque

Avalie este item
(1 Voto)
País: Galiza / Direitos nacionais e imperialismo / Fonte: Diário Liberdade

Diário Liberdade retoma acompanhamento ao vivo do Dia da Pátria. Prevista a primeira mobilizaçom para as 12.00, com saída da Alameda, convocada polo BNG.

Todas as fotografias e vídeos do Diário Libedade (Licença CC by-sa)

Após um início de mês de julho com diferentes iniciativas locais um pouco por toda a Galiza e umha véspera com mobilizaçom juvenil e polas presas e presos já em Compostela, é já no 25 de Julho mesmo, Dia da Pátria, quando acontecem as maiores mobilizaçons nessa cidade. Diário Liberdade acompanha ao vivo, antes de instalar posto no Festigal, conjuntamente com o Novas da Galiza, na tarde desta quarta-feira.

 

Manifestaçons, concentraçons e atos políticos

A que previsivelmente será a maior mobilizaçom do Dia da Pátria, a promovida polo Bloco Nacionalista Galego (BNG) tem marcada a saida às 12.00 da Alameda compostelana. Dirigir-se-á à praça da Quintá, onde a vozeira Ana Pontón exporá os posicionamentos dessa organizaçom neste dia. A legenda do BNG neste 2018 é "Somar por Galiza".

Logo da do BNG, sairá a manifestaçom convocada por Causa Galiza em chave independentista, criticando "o tabu da direçom histórica do nacionalismo galego" e considerando existirem "as condiçons objetivas e subjetivas" e a "massa crítica necessária" para umha resposta de radicalidade à crise nacional galega.

Para terminar com os actos da manhá, Agora Galiza terá polas 13.00h umha concentraçom e acto político na praça 8 de Março.

Há diferentes jantares populares previstos para os momentos a seguir as manifestaçons.

Já de tarde, às 16.30, haverá solidariedade internacionalista na escadaria da Alameda, numha concentraçom de apoio à Palestina.

En Marea celebrará "um mitim cómico sobre a confluência" como acto central deste Dia da Pátria em Vista Alegre, entre outras atividades.

Anova, organiza umha romaria às 13.00 h em Galeras e, às 19.30, umha palestra na Faculdade de Filosofia da USC

Diário Liberdade e Novas da Galiza na zona de associaçons do Festigal

Polo segundo ano, Diário Liberdade e Novas da Galiza terám um posto conjunto na feira de associaçons que se celebrará na tarde deste Dia da Pátria no Campus Sul compostelano. Ambas as entidades populares de comunicaçom marcarám presença com um posto, no qual será possível encontrar livros, postais e outros materiais editados por estas entidades, dar apoio ou mesmo conhecer as possibilidades de participaçom.

Dia 24 de Julho: Ruada independentista, cadeia humana polas presas e presos e manifestaçom juvenil

Igual que aconteceu nos últimos anos, a véspera do Dia da Pátria encheu as ruas da capital galega (crónica pormenorizada aqui).

Galiza Nova promoveu mais um ano a sua "ruada independentista" após a homenagem a Rosalia de Castro às 17 horas no Parque de Bonaval, mobilizaçom que abriu o dia de luita na capital galega.

Já às 18.30, umha cadeia humana foi convocada pola organizaçom antirrepressiva Ceivar na praça da Galiza de Compostela. Uns centenares de pessoas participárom na Cadeia humana pola liberdade das presas e presos independentistas. Esta nova mobilizaçom exigiu a repatriaçom das galegas e galegos presos fora da Galiza pola sua atividade militante como independentistas, numha "estratégia de extermínio carcerário" e a demandou a sua liberdade.

CADEIAH

"A mocidade independentista a construir a República. Rachar a precariedade, rematar com a emigraçom" foi a palavra de ordem escolhida polas 26 organizaçons que se somárom à convocatória juvenil independentista desta tarde em Compostela. Saiu bem passadas as 20 horas da Alameda. A denúncia sobre as condiçons da juventude trabalhadora, submetida a forte exploraçom laboral, junto à revindicaçom da independência nacional nom fôrom bem recebidas polo regime espanhol, que através de agentes de distúrbios retivo, identificou e sequestrou o material propagandístico que levavam três manifestantes.

Como é já costumeiro, os fardados e a (pouco) secreta polícia espanhola seguírom muito de perto as mobilizaçons, com o intuito de criminalizá-lo mediante a sua simples mas ameaçadora presença. No caso da manifestaçom juvenil, chegárom a reter e identificar três pessoas, às quais sequestrárom o material que levavam.

Di5CizbW4AAL1Di

Concertos e Festigal

De noite, organizaçom juvenil Briga organizou a décima quarta ediçom da Jornada de Rebeliom Juvenil, no parque de Belvis, com a legenda “Prendendo o facho da Rebeliom Juvenil”, com as bandas Cuarta Xusta, Maskarpone, Ezetaerre e Ataque Escampe.

Também Galiza Nova organizou junto ao BNG um concertocom Dj Bambooh,The Lelli Kelly’s, Ses & Banda e Rebeliom do Inframundo no ámbito do multitudinário Festigal, que hoje continua com debates, feira e espaço de associaçons no Campus Sul.

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: diarioliberdade [arroba] gmail.com | Telf: (+34) 717714759

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar