Umha campanha na plataforma Screenly pede a projeçom do filme 'Em todas as maos' no cinema Dúplex de Ferrol. Caso um mínimo de 66 pessoas reservarem os seus bilhetes para a projeçom, prevista para dia 29 de setembro polas 20:15 h, o filme será projetado.

Umha obra em galego e de muita atualidade. Os bilhetes podem ser reservados neste link.

Sinopse

Desgraciadamente, com cada verao, o monte na Galiza torna-se atualidade. Mas voltarám as chuvas e todas esqueceremos esses territórios que olhamos das janelas dos nossos carros enquanto vamos pola rodovia. Antes de isso acontecer tés que ver este documentário. "Em todas as maos" é umha aproximaçom à realidade da mao-comum, um mundo tam próximo quanto desconhecido. Umha realidade milenar, única, que deve enfrentar, também, um futuro. O documentário mostra a épica dumha vontade, luitar por melhorar os terrtórios que habitamos. Dous territorios, a Galiza e Portugal, e umha realidade, os montes vezinhais ou baldios. "Em todas as maos" é um olhar aos seus habitantes na procura dum horizonte, que os terrtórios comunitários que gerem sejam geradores de riquezas económicas, ambientais e sociais para os seus povos. Descobre umha realidade que te vai comover. Um mundo onde o futuro se conjuga em plural. Um futuro em que participemos e decidamos todas. Se ainda nom viches "Em todas as mans", nom deixes passar esta oportunidade.