A secçom de literatura de tradiçom oral da AELG propom visitar o Concelho de Moinhos para assistir umha nova Polafía, a trigésimo-segunda ediçom, umha revista oral que terá como tema central a literatura oral da raia. O que suceda nesta Polafía, como já sucedeu en todas as anteriores, gravar-se-á para incorporar no arquivo oral da web AELG.
O ato terá lugar nas instalaçons da Sociedade Cultural, Desportiva e Juvenil Fontefría, no Complexo Turístico "O Corgo", e conta com as intervençons de David Pérez, Celso Diz, Inés Rodríguez, Carlos Morais, Antonio González Baralló, Lino Perdiz e Isidro Novo.
A parte musical corre a cargo de Xurxo Souto e Ordeikí.
Este ato, organizado pola AELG e pola Sociedade Cultural, Desportiva e Juvenil Fontefría, conta com o apoio da Conselharia de Cultura e a colaboraçom da Associaçom Os Arraianos, a Libraría Aira das Letras (Alhariz), a Livraria Traga-Mundos (Vila Real) e o Núcleo de Estudos e Pesquisa dos Montes Laboreiro.