Publicidade

Diário Liberdade
Quarta, 31 Outubro 2018 14:14

Eleccións no Brasil; queixumes da derrotado

Avalie este item
(0 votos)
Roberto Laxe

Clica na imagem para ver o perfil e outros textos do autor ou autora

Resultaría cómico, senón fóra porque o resultado é dramático, ver á inmensa maioría da esquerda europea e latinoamericana, lamentarse de que o imperialismo ianqui, as burguesías nacionais e os exércitos fagan o que fan; coma se puidesen actuar doutra forma.


E como no seu mundo político non caben outra cousa que eleccións nun réxime democrático burgués, xa dan por perdida a guerra contra a extrema dereita, cando non fixo máis que comezar. Unha anotación, estráñame que o capital dilapide a súa principal ferramenta, o fascismo, cando o seu sistema de propiedade non estaba en perigo. Ou alguén cre que a PT ía facer a revolución?. Pero bo, non son deuses, e poden se equivocar.

Esta esquerda electoralista ha esquecido o conto da ra e o escorpión... Está na natureza do escorpión picar á ra; está na natureza do capital, imperialista e nacional, actuar como actúa; o raro sería o contrario.

O que demostra esta actitude da esquerda electoralista é a súa submisión á burguesía; ao criticarlle que non é democrática?. Pero, sinceramente, esperaban outra cousa dos medios, do exercito e de Trump? Tan gañados están polo neoliberalismo que son incapaces de ver outra perspectiva que non sexa a democrática burguesa. Esta suposta belixerancia “antifascista” oculta unha claudicación en toda regra ás canles da democracia capitalista.

Doutra banda, trasladan á poboación unha responsabilidade que só é súa, das súas políticas, da súa incapacidade para resolver os problemas de fondo da sociedade capitalista, á que como moito puxeron panxoliñas. Lula gobernou para a burguesía e o imperialismo, ao que lle pago a débeda relixiosamente, con tiritas sociais... Pero os problemas de fondo da sociedade brasileira quedaron intactos; e ao primeiro síntoma de crise social seria, o capital prescinde intermediarios como só sabe facer, defenestrándoos para na súa cabeza derrotar á clase obreira, e saca aos seus verdadeiros representantes.
No Estado Español estamos fartos desta dinámica: crise social e política (1982, 2004, 2018), a rúa se polariza en mobilizacións sociais de masas, o capital asústase, e recorre a apaga lumes (PSOE e os seus aliados de quenda, PCE, nacionalistas vascos, cataláns e galegos, agora Podemos, EU, ...), a mobilización desmóntase, frústranse a maioría das esperanzas reais de cambio; vén a decepción. A extrema dereita española, o neofranquismo do PP (antes AP) e agora a hidra de tres cabezas (PP, Cs, VOX), radicalízase, sobre actúa, lémbrannos a derrota do 36, que temos o maior numero de desaparecidos do mundo, tras Cambodia...

Unimos medo con decepción, e que temos?

A mensaxe da esquerda electoralista é canalla, dá por morta a loita contra as políticas do capital, se auto derrotan, pero responsabilizan da derrota á poboación. Eles, que gobernaron todos estes anos, non son responsables; é a poboación, que é estúpida e non sabe o que vota.

Citando a un que non é trotskista (porque xa me vexo a toda a esquerda electoralista gritando contra os trotskistas), Garcia Linera, vicepresidente do goberno de Bolivia:
“Claramente, as forzas de dereita e as potencias imperiais han feito, fan e continuarán facendo todo o posible, a través de todos os medios legais e ilegais, por deter calquera proceso emancipativo dos pobos (...)

“En política e, en xeral, en todas a loita das clases sociais, as accións do adversario non son as únicas que explican os resultados finais, a saber, algunha vitoria, senón que son nosas propias accións ou inaccións, as accións das clases e os sectores laboriosos, as que converten as agresivas accións do adversario en condición eficiente, producindo un tipo de resultado favorable a uns e contrario a outros”
No canto de insultar á poboación, a esquerda electoralista debería analizar cales foron esas “accións e omisións” que converteron as accións do inimigo en “condición eficiente” para o triunfo de Bolsonaro. Que responsabilidade teñen nese triunfo?.

Esa é a cuestión, e o demais, queixumes de que “Roma non paga a traidores”

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Ritech

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar