O jogo é televisado nesta quinta, dia 22, a partir das 19 horas, na TVG.
Será no campo da Lomba, em Vila Garcia de Arouça, após vários anos de inatividade imposta à seleçom de futebol feminina galega, formada por grandes jogadoras do palco internacional, como Verónica Boquete (atual jogadora do Paris Sant-Germain, de França), ou Mari Paz Vilas (atual jogadora do Valência, dos Países Cataláns).
Será o segundo jogo oficial de seleçons galegas de futebol absolutas, umha vez que em maio foi a masculina a que jogou com a venezuelana. Desta vez, serám as futebolistas galegas as que levem à relva arouçana a afirmaçom nacional galega no ámbito desportivo.
O jogo será transmitido polos canais televisivos públicos galego (TVG) e catalám (TV3). A direçom técnica corresponde no caso galego à dupla Quin Valbuena-Susú Cores, com experiência na direçom de seleçons.