Publicidade

Diário Liberdade
Quarta, 30 Agosto 2017 12:47 Última modificação em Sábado, 02 Setembro 2017 13:13

Reclamam veículos apropriados para o serviço galego de prevençom e defesa contra incêndios florestais

Avalie este item
(0 votos)
País: Galiza / Consumo e meio natural / Fonte: CIG

A CIG-Administraçom exige à Conselharia do Meio Rural que cumpram as condiçons técnicas pactuadas.

O sector de Autonómica da CIG-Administraçom denuncia que a Conselharia do Meio Rural acabou de entregar ao Serviço de Prevençom e Defesa Contra Incêndios Florestais (SPDCIF) umha série de veículos que nom cumprem com as características técnicas negociadas e recolhidas nos "pregos de condiçons" do concurso "e que nem sequer som apropriados para o nosso trabalho".

Da central, explicam que umha vez que os atuais veículos pick-up, cuja eficácia e operatividade "som melhoráveis", farám cinco anos, os sindicatos iniciárom em novembro de 2016 a negociaçom com a Conselharia para a aquisiçom dos novos veículos. Ainda que a Junta nom tenha atendido todos os contributos feitos polos representantes do pessoal, "conseguiu-se umha melhoria de verdadeira importáncia". As características técnicas pactuadas fôrom publicadas no DOG a 23 de maio deste ano.

Os contratos dos veículos do pessoal fixo acabou no passado dia 25 de março, enquanto que no caso do "fixo-descontinuo" a 25 de maio, polo qual a Administraçom decidiu alargar o contrato 113 dias mais para os veículos do pessoal fixo e 120 dias para os veículos do pessoal "fixo-descontinuo". "Com estes dados, pode-se perceber perfeitamente que havia tempo de sobra para licitar e entregar em tempo e forma os veículos que decidem que se vam entregar", indicam.

Rebaixamento das características técnicas

Mas a 15 de maio de 2017 a Junta decide modificar de novo as condiçons técnicas dos veículos do SPDCIF, voltando a rebaixar as suas características técnicas. "Para a nossa surpresa, e sabendo que os contratos do pessoal fixo acaba a 24 de agosto, encontramos-nos que retiram os veículos actuais, e em vez de entregar os negociados o que fam é entregar outros que para nom cumprem o pactuado e que nem sequer som apropriados para o nosso trabalho, já que nom contam com equipa de extinçom (água e retardante) e tenhem as características técnicas de um todo-o-caminho e nom de um todo-o-terreno".

Diante disto, da CIG exigem umha explicaçom imediata por parte da Conselharia e o cumprimento extrito dos "pregos de condiçons técnicas" negociados e publicados.

"Além disso, reclamamos que os veículos que devem de ser entregues, o antes possível, tenham incorporadas as luzes V1 e a correspondente identificaçom como Bombeiros Florestais da Galiza, que é o que somos e que parece que custa bastante a reconhecê-lo".

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: diarioliberdade [arroba] gmail.com | Telf: (+34) 717714759

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar