A Uniom do Povo Galego, do qual era militante o jovem comunista morto por disparos da polícia espanhola em 1975, organiza umha oferta floral no cemitério de Dodro às 12 horas do meio-dia.

Já na parte da tarde, em Sam Sadurninho (Trasancos) haverá um jantar popular às 14:30 na Quinta da Cortinha, nas margens do rio Júvia, com um preço de 15 euros, seguido de um debate sobre "a mudança real que a Galiza precisa".

Às 19 horas, a UPG organiza a tradicional concentraçom na praça da Cámara Municipal de Ferrol, com saída para a rua da Terra, oferta floral e o canto da Internacional. A seguir, no Cantom, ato político com Manuel Polo, Antia Ínsua e Néstor Rego.

O Movimento Galego ao Socialismo organiza o seu habitual ato no cemitério de Imo, concelho de Dodro, às 13 horas, com música do cantor Tino Baz, e intervençons políticas de Xoán Bautista Mariño, Daniel Barral, Lois Rios e Noa Presas. A continuaçom, haverá um jantar popular nas redondezas e um roteiro pola área de petróglifos de Bouça Abadim, com José Emílio Vicente e Bieito Pérez como guias.

Já no dia 13 a Frente Popular Galega (FPG) e a sua organizaçom juvenil, Xeira, convocam um ato político em homenagem a Reboiras. Será às 12:00 horas no Mercado de Teis, em Vigo, e depois do acto celebrarám um jantar popular no CS Mistura.