Mostrando itens por tag: Adega

O recente acordo parlamentar de solicitar á Xunta a ampliación urxente da Rede Natura 2000, aprobado polo PP co voto contrario da oposición, reflicte o pouco interese que hai por tomar en serio esta ferramenta de conservación.

A recente imputación de Villar-Mir polo presunto financiamento irregular do PP, pon o foco nas relacións entre a Xunta e o empresario, dono e señor do río Xallas. A súa é unha relación idílica salferida de prebendas, subvencións e resolucións administrativas sorprendentes... Sorprendentemente favorábeis ao empresario, que xa aparecía nos "papeis de Bárcenas" como doador de 530.000€ para financiar ao PP e agora vén de ser imputado na "operación Lezo".

ADEGA vén de preguntar á Dirección Xeral de Patrimonio Natural polo número de lobos envelenados remitidos nos últimos meses ao Hospital Veterinario Rof Codina da Universidade de Santiago. O último, morto na provincia de Ourense a semana pasada.  E fai extensible a solicitude de información para determinar cantos exemplares, e de cantas especies ameazadas, teñen sido afectados e que accións de investigación ten emprendido pra dar cos responsábeis destas mortes.

ADEGA vén de elaborar un informe sobre a situación e a conflitividade do lobo en Galiza que desminte determinados supostos e crenzas falsas. Asemade, amosa o fracaso e a arbitrariedade dos chamados “controis poboacionais” e aponta solucións para desactivar o conflito. O informe foi redactado por Martiño Nercellas, biólogo e vogal de biodiversidade de ADEGA.

Vimos de coñecer pola Garda Civil que "Tungsten San Finx SL" vai denunciar a un membro de ADEGA por ter penetrado no recinto mineiro e tomar mostras de augas contaminadas. Outra volta, e perante a falta de argumentos, imponse a estratexia do medo e de matar ao mensaxeiro...

O  domingo, 19 de febreiro, ADEGA-Lugo realizará outro dos seus roteiros "Recuperando O Noso", ciclo de andainas 2016-2017 que poñen en valor iniciativas, proxectos ou experiencias que recuperan o noso patrimonio ou saber popular.

ADEGA tivo acceso a unha gravación que proba a actuación irregular da Xunta ao autorizar "controis poboacionais" recorrentes (3 nos últimos 4 meses) nos montes de Cotobade. Oficialmente non se abatíu lobo algún, polo que a Xunta seguíu dando permisos.

Solicita a suspensión das autorizadas e que se deneguen máis precintos. Este domingo celebrarase outra en Cotobade.

A sentenza do xulgado nº 3 de Pontevedra dando a razón ao concello de Lalín no contencioso con Fenosa pola LAT de Catasós, evidencia outra volta as malas prácticas dunha administración entregada aos intereses das eléctricas.

En setembro de 2016, e dada a situación crítica dos incendios que estaban a arrasar a comarca, tivo lugar unha manifestación en Verín, convocada pola CIG, á que acudiron distintas asociacións, organizacións e particulares, entre as cales estaba ADEGA-MONTERREI.