Causa Galiza propom um Dia da Pátria 2018 com umha única manifestaçom nacional, "crítica do quadro autonómico", partindo de umha análise do que considera um "cenário de emergência nacional e social", pola "deriva autoritária do regime espanhol". Como alternativa, sugere umha "aposta, em positivo, na rutura democrática e na independência nacional".
Apelando à iniciativa unitária de 2015, e reclamando "um perfil mais avançado", a organizaçom independentista reclama "convergência dos setores populares nacionalistas e independentistas no dia nacional", ao considerar esgotado o autonomismo.
Num comunicado remetido ao Diário Liberdade, Causa Galiza explica que a proposta se dirige "às organizaçons políticas Agora Galiza, Assembleia Nacional Galega (ANG), Anova, BNG, Cerna, Coletivo Nacionalista de Marim (CNM), Compromiso por Galicia, Frente Popular Galega (FPG), Galiza em Rede, Movimento Galego ao Socialismo (MGS), Partido Comunista do Povo Galego (PCPG), Uniom do Povo Galego (UPG); às centrais sindicais CIG, CUT, Fruga e SLG; e as organizaçons juvenis e estudantis Anega, Bátega, Briga, Erguer, Espiral, Galiza Nova, Isca!, UMG e Xeira".