que todos os falsimédias e participantes da carreira eleitoral reconhecem e dam como gram vencedora na contenda de ontem.Se bem os dados oficiais oferecidos até agora, além de provisórios tenhem algum erro, pois a suma de abstençons e votos emitidos dá umha suma que supom 177 eleitoras de mais que, na minha valoraçom destes resultados e como gesto de generosidade, opto por restar-lhos a abstençom; com o que, ainda assim, o resultado provisional daria a abstençom 140.849 apoios mais que ao PPdeG.

Mas esta diferência tende ao abismo se temos em conta os dados de participaçom que conhecemos do  CERA (censo no que a dia de hoje figuram registradas 446.269 galegas, que supom representar já ao 16,1% do eleitorado galego; a meirande proporçom da história). E assim nas eleiçons de ontem só solicitarom o voto 17.871 pessoas, o 4% do CERA. Com o que, mesmo dando por feito que todas quantas pediram o voto, foram depois deposita-lo nas urnas ubicadas nas embaixadas e consulados, haveria umha abstençom mínima de 1.245.923 pessoas!! o 46’11% do eleitorado chamado ás urnas; e mesmo situándo-me no hipotético caso de que todos esses votos rogados fossem parar o PPdeG, este obteria um máximo de 694.547 votos; o que é o mesmo 551.376 apoios menos que a abstençom.

E já para rematar esta minha analise, dizer que do total de votantes residentes na Galiza, o PPdeG obtem só um 30% do total (nem sequer 1 de cada 3 pessoas com direito a voto) e se temos em conta o CERA, mesmo com as condiçons mais vantajosas para o PPdeG, como muito o voto a esta opçom representará um 25’7%, ou seja só 1 de cada 4 pessoas com direito a voto, deu-lhe a maioria absoluta a esta opçom partidista, ou o que é o mesmo, 3 de cada 4 galegas com direito a voto nom optou por este governo maioritário do PPdeG.

Onde fica entom isso que chamades democracia representativa??

Como se come isso de que umha opçom que recebe só o apoio do 25% do censo total, pode governar com maioria absoluta e fazer o que lhe pete??

O chamam democracia e nom o é!! Oé, oé, oé,…