Numerosas cidades e vilas da Catalunha realizárom esta terça-feira atos massivos de protesto pola prisom injustificável de duas lideranças do movimento independentista. Os que já ficárom conhecidos internacionalmente como "os dous Jordis" (Jordi Sánchez e Jordi Cuixart) entrárom em prisom há 24 horas, acusados de "sediçom" por liderarem manifestaçons pacíficas de carácter multitudinário dias antes do referendo, que alegadamente dificultárom o labor repressivo da Guarda Civil espanhola em Barcelona.

Até 4 anos de possível prisom sem julgamento

Agora enfrentam até 4 anos de prisom preventiva (sem julgamento!) com presos políticos do Estado espanhol, por ordem de umha juíza do regime, que os mandou para fora do seu país, concretamente à umha cadeia próxima da capital espanhola.

A reaçom na Catalunha foi imediata e massiva. Paralisaçons de estudantes e mobilizaçons multitudinárias na tardinha de hoje, junto à crescente pressom de coletivos de todo o tipo para que o presidente da Generalitat deixe de adiar a definitiva declaraçom de independência. Entretanto, as pressom do Estado espanhol nom cessam, ameaçando com desarticular a autonomia catalá nesta quinta-feira, mediante a fraudulenta aplicaçom do Art. 155 da Constituiçom espanhol, se nom houver umha rendiçom incondicional do governo soberanista catalám.

Com umhas instituiçons internacionais ausentes ou mesmo apoiantes do antidemocrático Estado espanhol, a autodeterminaçom catalá, votada em sentido independentista a 1 de outubro apesar da repressom violenta espanhola está novamente em maos do povo da Catalunha. A sua persistência na mobilizaçom das massas para fazer valer a sua razom jurídica e política contra a violência espanhola é a sua única vaza para a vitória.

A desta terça-feira foi mais umha mostra nessa direçom. De certeza, nom a última.