Publicidade

Diário Liberdade
Quarta, 11 Outubro 2017 12:55 Última modificação em Domingo, 15 Outubro 2017 16:53

Greve na Citroën de Vigo contra o aumento da carga de trabalho e dos ritmos de produçom

Avalie este item
(0 votos)
País: Galiza / Laboral/Economia / Fonte: CIG

Os paros serán os sábados de outubro e novembro e comezarán este día 14.

A CIG e a CUT anunciaron este luns unha nova convocatoria de greve na planta de PSA Peugeot Citroën en Vigo para rexeitar o aumento da carga de traballo e dos ritmos de produción na liña de montaxe, situación que está a provocar problemas de saúde laboral entre os traballadores/as. Os paros desenvolveranse os sábados dos meses de outubro e novembro, comezando este día 14.

A problemática que se vive no centro de traballo vigués, e que se pode ver agravada coa chegada dos novos modelos, xa motivara unha convocatoria de greve o pasado mes de xuño, daquela promovida tamén por CCOO, sindicato que nesta ocasión optou por desmarcarse a pesar de que a dirección de Citroën continúa sen querer acordar coa representación do cadro de persoal as condicións dos postos de traballo.

Así o trasladaron este luns na rolda de prensa celebrada diante da factoría o secretario nacional da CIG-Industria, Xoán Xosé Bouzas, e o secretario da sección sindical da CIG-Citroën, Manolo Domínguez. “Dende hai anos vimos demandando medidas correctoras e efectivas para paliar que os repartos de traballo contemplan operacións sen tempo suficiente para a súa realización, o que obriga os traballadores/as a esforzarse aínda máis para levalas a cabo”. Segundo denuncian, este desgaste físico e síquico ten como consecuencia problemas de saúde, limitación, estrés, fatiga, etc.

Sinalan que a dirección é consciente de que a diversidade de modelos que implica as furgonetas Berlingo e Partner fai imposíbel que exista un equilibrado perfecto nos postos, pero mes a mes a redución de postos nas liñas segue o seu curso. “Están a preparar o futuro da planta con novos modelos, onde incluso a nova furgoneta vai ter máis diversidade de modelos que até o de agora, o que vai supoñer moitas máis dificultades á hora de configurar os repartos de traballo sen operacións que superen o tempo físico para facelas”.

Mediación e xuntanzas

Como consecuencia desta situación as baixas na empresa non deixan de medrar e cada vez son máis os traballadores/as aos que non se lles recoñecen as enfermidades profesionais ou accidentes, “o que supón un desfalco á Seguridade Social ao ter que soportar os custes desas baixas laborais”.

Paralelamente á convocatoria de greve faranlle unha solicitude de mediación ao AGA e trasladaranlle unha proposta a UGT e CCOO para levar a cabo unha consulta aberta ao cadro de persoal para que poida opinar sobre a cuestión. Tamén pedirán xuntanzas coa Consellaría de Sanidade, co Instituto Nacional da Seguridade Social (INSS) e co Concello de Vigo.

Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Doaçom de valor livre:

Microdoaçom de 3 euro:

Adicionar comentário

Diário Liberdade defende a discussom política livre, aberta e fraterna entre as pessoas e as correntes que fam parte da esquerda revolucionária. Porém, nestas páginas nom tenhem cabimento o ataque às entidades ou às pessoas nem o insulto como alegados argumentos. Os comentários serám geridos e, no seu caso, eliminados, consoante esses critérios.
Aviso sobre Dados Pessoais: De conformidade com o estabelecido na Lei Orgánica 15/1999 de Proteçom de Dados de Caráter Pessoal, enviando o teu email estás conforme com a inclusom dos teus dados num arquivo da titularidade da AC Diário Liberdade. O fim desse arquivo é possibilitar a adequada gestom dos comentários. Possues os direitos de acesso, cancelamento, retificaçom e oposiçom desses dados, e podes exercé-los escrevendo para diarioliberdade@gmail.com, indicando no assunto do email "LOPD - Comentários".

Código de segurança
Atualizar

Publicidade

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Ritech

O Diário Liberdade utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar